الرئيسية / الشعر العامي / 💘💘كل عام وانتي لسه هناك بخير 💘💘 رافت يوسف
💘💘كل عام وانتي لسه هناك بخير 💘💘 رافت يوسف

💘💘كل عام وانتي لسه هناك بخير 💘💘 رافت يوسف

💘💘كل عام وانتي لسه هناك بخير 💘💘
رافت يوسف
لسه عايشه جوه مني
ولسه شايل جوه قلبي
ليكي انتي حاجات كتير 💘
رغم ان الجرح قاسي
ورغم اني افتكرت
ان الزمن فاتني وناسي
بس لسه الذكري باقيه
وجرحي فيكي كان كبير💘
ورغم ان العمر فات
واتملي صندوق حياتي
واتزحم بالذكريات
لسه حلمك بيطاردني
والصبي والفرح جنبك
مش سايبني
زي مايكون خط سير💘
امشي مشواري الطويل
وافتكر ايام زمان
لما كنت احس دايما
بالامان
كل شارع في حارتنا
حرف من اسمي واسمك
بانقشه ع الحيطان
اللي جوه حضن بيتنا
والمسك وافضل اطير💘
ولا ليله العيد تاريخ
لما نعرف ان بكره راح نعيد
والاماني معاكي
دايما كات تزيد
ايووه بكره هاشوف حبيبتي
كنت احضر في الشموع
وافضل ااقيد
لاجل بكره اوام مايجي
كان لقاكي اكيد مصير💘
نبتدي عيدنا بصلاتنا
نخطف النظره السعيده
واحنا بنكبر وندعي
ان رب الكون يقرب
كل ليالينا البعيده
وتطلبي مني العيديه
ادهالك كنت
لبرائتك اسير💘
كل شئ بنا راح
كل عيد تبتدي رحله جراح
كل عيد لما افتكر
تبقي ليا صداع في راسي
تبقي بحر من المأسي
كل مره افتكر اني ليكي
قلبي ناسي
وكنت بوهم نفسي دايما
إن عينك اااه نستها
واني مش شيافك ساعتها
واني عايش كالضرير💘
غربه العمر الطويله
مالي غير شنطه سفر
والحروف اللي فيها
كل احساس
بالمحبه ليكي انتي
بالحنين اللي اندثر
رغم ان بجسمي راحل
والحياه
مريت سنينها بالمراحل
بس يجي العيد عليا
والاقي ذكري ايام صبايا
وانتي فيها ترجع
الايام
بحالها وبمرارها
الاقي نفسي ارجع واقولك
كل عام وانتي بخير💘
كل عام والذكريات
اللي افتكرت اني نستها
لسه جواها في عيدي
بأعيش اسير💘
رغم جرحك
بس مش هانسي الليالي
والسنين اللي في حبك
او في قربك
لسه باقيه الذكري دايما
رغم اني في كل يوم
وكل ركعه دعيت لربي
وكل مره مع الادان
اني انسي كل شئ بنا كان
بس لسه القلب فاكرك
كل عيد شايف ملامحك
واجري في بعادي واقولك
كل عام وانتي بخير💘💘💘
رافت يوسف

تعليقات الفيس بوك

التعليقات

عن ﺍﺣﻠﺎﻡ المهندس ﺳﻜﺮﺗﻴﺮ ﻣﺪﻳﺮ التحرير

ﻣﺤﺮﺭﻩ ﻭﺑﺎﺣﺜﻪ ﺍﺟﺘﻤﺎﻋﻴﻪ ﺑﻘﻀﺎﻳﺎ ﺍﻟﻤﺠﺘﻤﻊوالحوادث ﻋﺮﺑﻴﻪ ﺍﺻﻴﻠﻪ ﻭﻟﺪﺕ ﻭﺗﺮﻋﺮﺕ ﺑﺎﻟﻤﻬﺠﺮ ﻭﻟﻜﻨﻲ ﻣﺎﺫﺍﻟﺖ ﺗﻠﻜ ﺎﻟﻤﻬﺮﻩ ﺍﻟﻌﺮﺑﻴﻪ ﺍﻟﺎﺻﻴﻠﻪ ﺣﺎﺻﻠﻪ ﻋﻠﻲ ﻣﺎﺟﺴﺘﻴﺮ ﺍﻟﺼﺤﺎﻓﻪ ﻭﺍﻟﺎﻋﻠﺎﻡ ﺍﻋﻴﺶ ﺑﻠﻨﺪﻥ ﺍﻟﻌﺎﺻﻤﻪ ﺍﻛﺘب ﺍﻟﻨﺜﺮ ﻭﻟﻲ ﻋﺪﻩ ﺑﺤﻮﺙ ﺑﻘﻀﺎﻳﺎ ﺍﻟﻤﺠﺘﻤﻊ ﻭﺣﻮﺍﺩﺙ ﺍﻟﺠﺎﻟﻴﺎﺕ ﺍﻟﻌﺮﺑﻴﻪ ﻋﻠﻲ ﻭﺟﻪ ﺍﻟﺨﺼﻮﺹ ﺑﺎﻟﻤﻬﺤﺮ ﻭﺍﺛﺮ ﺍﻟﺜﻘﺎﻓﻪ ﺍﻟﻐﺮﺑﻴﻪ ﻋﻠﻲ ﺗﻠﻚ ﺍﻟﺎﻗﻠﻴﺎﺕ ﻭﺍﻟﻤﺠﺘﻤﻋﺎﺕ ﺍﻟﻌﺮﺑﻴﻪ ﺍﻟﺼﻐﻴﺮﻩ. ﺍﻛﺘب النثر
إلى الأعلى