الرئيسية / الشعر العامي / يا شعر بترجاك تنساني *-* يوسف الدباك جعجع
يا شعر بترجاك تنساني *-* يوسف الدباك جعجع

يا شعر بترجاك تنساني *-* يوسف الدباك جعجع

يا شعر بترجاك تنساني:

يا شعر بترجاك تنساني
وتدشر الفكر العم يعاني
لكن انا وياك نور ونار
وبهواك اكتر ما بتهواني
ضيعان ما وهبت الورق افكار
وصمت الوتر آهات وغناني
ولو كنت عارف خرست الشعار
كنت متلن بفطم لساني
لاجيء انا وما في وطن او دار
بيساعني وبيساع ايماني
لاجيء انا متل الحمل تذكار
عا دروب للدعسات جوعاني
وخصر الحمل غنج وحلى وأسرار
بعرس البراءة وحب متفان
قديش كان اشتاق للزنار
لولا عمل ببتو بالخزاني
لاجيء انا وبغربتي مشوار
بلادي الوجع والبيت تحناني
فتش عا مجد الشاعر الجبار
بالروح مش بترابنا الفاني
لاجيء فراشة بمرجة الازهار
ما في وطن عندي ولا دياني
اقرب لالله هيك والانوار
قنديلها محرقص عا فستاني
لاجيء انا عالجو بين قمار
وعطفي طفل عا وراق برداني
لو ما يهاجر مع نسيم الطار
بقيو الصبايا خدود عطشاني
زنودي عريشة معلقة بشوار
ولادي عا دييي حبوب ملياني
ولو ما التجو عا كركة الخمار
كان الدمع نشف بالقناني
يا عاشق الاوطان والاسوار
هدم السجن وحطم الجاني
الانسان للانسان مهما جار
وحدودنا اوهام خلقاني
ولا تقول لبنان الوطن بيغار
لو قلت كل الشرق أوطاني
عا قد ما حبو حلو وقهار
عم شوف كل الكون لبناني
خليك اكبر من عقول زغار
وابعد من حدود المدى الحاني
والكون كلو موطني لو صار
بيضل أزعر من طموحي كتير
وبضل فتش عا وطن تاني

يوسف الدباك جعجع

تعليقات الفيس بوك

التعليقات

عن ﺍﺣﻠﺎﻡ المهندس ﺳﻜﺮﺗﻴﺮ ﻣﺪﻳﺮ التحرير

ﻣﺤﺮﺭﻩ ﻭﺑﺎﺣﺜﻪ ﺍﺟﺘﻤﺎﻋﻴﻪ ﺑﻘﻀﺎﻳﺎ ﺍﻟﻤﺠﺘﻤﻊوالحوادث ﻋﺮﺑﻴﻪ ﺍﺻﻴﻠﻪ ﻭﻟﺪﺕ ﻭﺗﺮﻋﺮﺕ ﺑﺎﻟﻤﻬﺠﺮ ﻭﻟﻜﻨﻲ ﻣﺎﺫﺍﻟﺖ ﺗﻠﻜ ﺎﻟﻤﻬﺮﻩ ﺍﻟﻌﺮﺑﻴﻪ ﺍﻟﺎﺻﻴﻠﻪ ﺣﺎﺻﻠﻪ ﻋﻠﻲ ﻣﺎﺟﺴﺘﻴﺮ ﺍﻟﺼﺤﺎﻓﻪ ﻭﺍﻟﺎﻋﻠﺎﻡ ﺍﻋﻴﺶ ﺑﻠﻨﺪﻥ ﺍﻟﻌﺎﺻﻤﻪ ﺍﻛﺘب ﺍﻟﻨﺜﺮ ﻭﻟﻲ ﻋﺪﻩ ﺑﺤﻮﺙ ﺑﻘﻀﺎﻳﺎ ﺍﻟﻤﺠﺘﻤﻊ ﻭﺣﻮﺍﺩﺙ ﺍﻟﺠﺎﻟﻴﺎﺕ ﺍﻟﻌﺮﺑﻴﻪ ﻋﻠﻲ ﻭﺟﻪ ﺍﻟﺨﺼﻮﺹ ﺑﺎﻟﻤﻬﺤﺮ ﻭﺍﺛﺮ ﺍﻟﺜﻘﺎﻓﻪ ﺍﻟﻐﺮﺑﻴﻪ ﻋﻠﻲ ﺗﻠﻚ ﺍﻟﺎﻗﻠﻴﺎﺕ ﻭﺍﻟﻤﺠﺘﻤﻋﺎﺕ ﺍﻟﻌﺮﺑﻴﻪ ﺍﻟﺼﻐﻴﺮﻩ. ﺍﻛﺘب النثر
إلى الأعلى