الرئيسية / الشعر العامي / مين اللى قال …مجدى صالح
مين اللى قال …مجدى صالح

مين اللى قال …مجدى صالح

مين اللى قال
مين اللى قال مفيش حرية
مين اللى قال ان الوشوش خمرية
احنا الفراعنة ولينا لعنتنا
********************
تيران وصنافير مصرية
******************
فكرين المسلــــــــــــــــة فــــى ملكوتـها
ولا الموميا اللى عايشة فى تابوتها
نسيتم أحـــــــمس اللى زرع قوتــــــــــها
اللى فــــــــاز بـــــــــشرف الجنديــــــة
******************
تيران وصنافير مصرية
*******************
أحنا ســر قـــديــم مدفـون
فى مقبرة توت عنخ آمون
وكنز مخفى فى بحر قارون
وفَضلنا ع البــــــشرية
******************
تيران وصنافير مصرية
******************
فى الماضى .. ولاّ فى الآتى
فى حياتى .. ولاّ فى مماتى
حكمة .. وشايلاها جيناتى
قبـــــــــل الجـــــــواز والجنــــــسية
********************
تيران وصنافير مصرية
******************
وزى دلتا .. ولاّ صعيد
وكل واحة بيوتها جريد
وفرع دمياط .. فرع رشيد
من الأزل .. للأبدية
*******************
تيران وصنافير مصرية
******************
يا غردقة .. قلبى عشقها
يا بورسعيد .. عمرى ناطقها
يا دنشواى .. على مشانقها
يا سوهاج . يا نيل .. يـا فواعلية
*******************
تيران وصنافير مصرية
*****************
وزى هاجر .. ومقامها
وسعيهــــــا فـ عز ألمها
والمية تجــرى فـ زمزمها
تسقــــــــى الحيــــــاة والحنيـــــــة
*******************
تيران وصنافير مصرية
******************
وزى فرحى بإنجازى
وزى شيشى وقــــــــزازى
وزى من ملك فــــؤادى
وحــــب لا أم اولادى
******************
تيران وصنافير مصرية
*****************
زى النسيم فى نهار شدوان
والميـــــــة فى خــــــزان أســــوان
رئتين حياة .. نبض وشريان
فردين حمام .. جوة الغية
*********************
تيران وصنافير مصرية
*******************
وزى أغنيــة صـــــورة
وجمال بنات المنصورة
وزى صيف المعمورة
والتاج فى مصر الملكية
******************
تيران وصنافير مصرية
********************
احفظها مهما العمر يطول
واعشقها زى الهوى ما يقول
اغنيها ع الناى والأرغول
« حب الوطن فرض عليا »
*******************
تيران وصنافير مصرية
*****************
الشعب قام ولاَّ ما قامشى
حكَم القضا .. أو ما حكمشى
تيران عيونى .. صنافير رمشى
زى الحقيقة الإلهية
*******************
تيران وصنافير مصرية
*******************
مجدى صالح مية المية
غذب عن عيون الاسرائلية
وكلامى ثابت والخريطة اهية

تعليقات الفيس بوك

التعليقات

عن ﺍﺣﻠﺎﻡ المهندس ﺳﻜﺮﺗﻴﺮ ﻣﺪﻳﺮ التحرير

ﻣﺤﺮﺭﻩ ﻭﺑﺎﺣﺜﻪ ﺍﺟﺘﻤﺎﻋﻴﻪ ﺑﻘﻀﺎﻳﺎ ﺍﻟﻤﺠﺘﻤﻊوالحوادث ﻋﺮﺑﻴﻪ ﺍﺻﻴﻠﻪ ﻭﻟﺪﺕ ﻭﺗﺮﻋﺮﺕ ﺑﺎﻟﻤﻬﺠﺮ ﻭﻟﻜﻨﻲ ﻣﺎﺫﺍﻟﺖ ﺗﻠﻜ ﺎﻟﻤﻬﺮﻩ ﺍﻟﻌﺮﺑﻴﻪ ﺍﻟﺎﺻﻴﻠﻪ ﺣﺎﺻﻠﻪ ﻋﻠﻲ ﻣﺎﺟﺴﺘﻴﺮ ﺍﻟﺼﺤﺎﻓﻪ ﻭﺍﻟﺎﻋﻠﺎﻡ ﺍﻋﻴﺶ ﺑﻠﻨﺪﻥ ﺍﻟﻌﺎﺻﻤﻪ ﺍﻛﺘب ﺍﻟﻨﺜﺮ ﻭﻟﻲ ﻋﺪﻩ ﺑﺤﻮﺙ ﺑﻘﻀﺎﻳﺎ ﺍﻟﻤﺠﺘﻤﻊ ﻭﺣﻮﺍﺩﺙ ﺍﻟﺠﺎﻟﻴﺎﺕ ﺍﻟﻌﺮﺑﻴﻪ ﻋﻠﻲ ﻭﺟﻪ ﺍﻟﺨﺼﻮﺹ ﺑﺎﻟﻤﻬﺤﺮ ﻭﺍﺛﺮ ﺍﻟﺜﻘﺎﻓﻪ ﺍﻟﻐﺮﺑﻴﻪ ﻋﻠﻲ ﺗﻠﻚ ﺍﻟﺎﻗﻠﻴﺎﺕ ﻭﺍﻟﻤﺠﺘﻤﻋﺎﺕ ﺍﻟﻌﺮﺑﻴﻪ ﺍﻟﺼﻐﻴﺮﻩ. ﺍﻛﺘب النثر
إلى الأعلى