الرئيسية / الشعر العامي / محمد سليمان عبدالله الله علي هذا البلد
محمد سليمان عبدالله الله علي هذا البلد

محمد سليمان عبدالله الله علي هذا البلد

الله علي هذا البلد
سودانا نهواك بي سكات
الله علي البلد الأحد
وطنآ بضم أجمل صفات
ومافي زيك يا بلد
متعافي لي حد الحياة
متنافي بين أضلاع ولد
متصافي بينك والممات
مادد ضراعاتك عضد
مصلايتك النيل من زمان
فاتح مسامتك مدد
لو جارت ازمانك عليك
نلقاك زي درويش بسبح في عدد
أحد أحد. ..
و الله علي هذا البلد
أحد صمد
و الله على البلد الأحد
أحد. .ولا زيك أحد
صمد مع كل الظروف
سامي و سموك حد السما
غالي و نقيمبك ألوف! ؟
و انا رغم قاسيت كم سنة
يا عزي بكتبلك حروف
بكتب حروف اسمك غنا
نقارة طمبارة و دفوف
و انا بيك مستف أغنيات
يا فاتح الروح ضلغتين
يا موشح السما بالزراق
و مثبت إحساس اليقين
امنحني تأشيرة الدخول لي حضرتك
اسقيني من كاسات حنين
أديني إحساس الدخول
يا داخل إحساس الخلوق في كل حين
مارقني بي كل الجهات! !
ضاريني منك و فيك و ليك
بحميك من وهج السنين
يا مالي أركان قلبي بيك
يا فاتح الروح ضلفتين
و الله علي هذا البلد
الله علي البلد الأحد
الله علي الناس العزاز
الله علي البت و الولد
الله علي النيل و النخيل
و الله علي النور المرق
بلدا ولا قصر في شي
ناسا بتضحك و تنتشي
بتا تزغرد للولد
ولدا بقالد النيل مشي
و النور من الصبح القريب
مارق ولا بيحميهو شي
و الله علي هذا البلد
سودانا نهواك بي سكات
و الله علي البلد الأحد
وطنآ بضم أجمل صفات
و مافي زيك يا بلد

محمد سليمان عبدالله

تعليقات الفيس بوك

التعليقات

عن الشاعر احمد هيكل نائب رئيس التحرير والمشرف العام

مصمم فوتوشوب مصمم اغلفة كتب ومجلات وكتب اكترونيه وطباعه ورقيه وتسجيل القصائد الصوتيه وعمل المونتاج وتصميم الموقع الأ لكترونيه‏، ‏‏شـاعر غنائي ‏مصور صحفي‏‏‏ عندما هممت بالكتابه احتارت افكاري وتبعثرت حروف الكلمات التي كنت اود قولها وتطايرت داخلي احاول تجميعها واعادة صياغتها لتعود كما كانت كلمات جميله معبره لكن اعجز دائما عن التعبير
إلى الأعلى