الرئيسية / القصة / فى زيارة لبلدتى *_*د. هشام الفقى
فى زيارة لبلدتى *_*د. هشام الفقى

فى زيارة لبلدتى *_*د. هشام الفقى

فى زيارة لبلدتى

فى زيارة لبلدتى قول قد ساعة..والطريق قول نص ساعة او يزيد 5 دقايق
بس الطريق يكون طويل لما العمر يمر قدام عنيك وانت سايق
تلقى الوقت بيمر بالسنين والساعات ..وانت بتقلب سنين العمر إللى فات من سكات
فجأه عينى غصب عنى فى المرايا للحظة جات
فيها لمحت الشعر الأبيض غطا راسى ..
مهما بعدت عارف كل اللى قابلنى ..وأنا هتوه عن أهلى ولاناسى
والله فاكر كل يوم عشته هنا ولا يوم هننسى ولا كنت ناسى كل خطوة فى سكتى كانت بتحكى زكريات
ده طريق المدرسة وهنا لعبنا وهناك ذاكرنا ومع الصحاب إتقابلنا

والنهارده إتقابلت بست عجوزه مكرمشة من ناس زمان المدهشة وبصراحة إتكعبلت فى إللى كانت النفس ليه متشوقة والروح إليه متعطشة
بَصت بضِحكِة وجهها زى نور الفجر من بعد العشا
قالت فاكرنى ؟.طبعا يا عمه
وأنا هتوه عن حد منا وإحنا مِنه
قالت بعدت والدنيا وخداك وكل جيلك
نسيت زمان كنت بإيدى دى أشيلك
كنا كلنا عيله واحدة وكنا لمه
بس صحابك اتفرقوا وكل واحد راح فى يمه
ربى يبارك لى فى عمركم وأنت وولادى تجونى
كفاية كل جيلى مشو وسابونى
كانت بتحكى عن زمان والفرحة على كل الوجوه طاله
وضحكتها من جوة القلب عالية وهاله
إبقا تعالى وإسأل عليا
وأما قولك يوم فاكرنى
قولى طبعا …طبعا يا عمه
……………………………………………
د. هشام الفقى

تعليقات الفيس بوك

التعليقات

عن ﺍﺣﻠﺎﻡ المهندس ﺳﻜﺮﺗﻴﺮ ﻣﺪﻳﺮ التحرير

ﻣﺤﺮﺭﻩ ﻭﺑﺎﺣﺜﻪ ﺍﺟﺘﻤﺎﻋﻴﻪ ﺑﻘﻀﺎﻳﺎ ﺍﻟﻤﺠﺘﻤﻊوالحوادث ﻋﺮﺑﻴﻪ ﺍﺻﻴﻠﻪ ﻭﻟﺪﺕ ﻭﺗﺮﻋﺮﺕ ﺑﺎﻟﻤﻬﺠﺮ ﻭﻟﻜﻨﻲ ﻣﺎﺫﺍﻟﺖ ﺗﻠﻜ ﺎﻟﻤﻬﺮﻩ ﺍﻟﻌﺮﺑﻴﻪ ﺍﻟﺎﺻﻴﻠﻪ ﺣﺎﺻﻠﻪ ﻋﻠﻲ ﻣﺎﺟﺴﺘﻴﺮ ﺍﻟﺼﺤﺎﻓﻪ ﻭﺍﻟﺎﻋﻠﺎﻡ ﺍﻋﻴﺶ ﺑﻠﻨﺪﻥ ﺍﻟﻌﺎﺻﻤﻪ ﺍﻛﺘب ﺍﻟﻨﺜﺮ ﻭﻟﻲ ﻋﺪﻩ ﺑﺤﻮﺙ ﺑﻘﻀﺎﻳﺎ ﺍﻟﻤﺠﺘﻤﻊ ﻭﺣﻮﺍﺩﺙ ﺍﻟﺠﺎﻟﻴﺎﺕ ﺍﻟﻌﺮﺑﻴﻪ ﻋﻠﻲ ﻭﺟﻪ ﺍﻟﺨﺼﻮﺹ ﺑﺎﻟﻤﻬﺤﺮ ﻭﺍﺛﺮ ﺍﻟﺜﻘﺎﻓﻪ ﺍﻟﻐﺮﺑﻴﻪ ﻋﻠﻲ ﺗﻠﻚ ﺍﻟﺎﻗﻠﻴﺎﺕ ﻭﺍﻟﻤﺠﺘﻤﻋﺎﺕ ﺍﻟﻌﺮﺑﻴﻪ ﺍﻟﺼﻐﻴﺮﻩ. ﺍﻛﺘب النثر
إلى الأعلى