الرئيسية / الشعر العامي / عضمي شخشخ *-* معوض حلمي
عضمي شخشخ *-* معوض حلمي

عضمي شخشخ *-* معوض حلمي

موثقة على مدونتي الشخصية
رباعيات الفلاح الفصيح معوض حلمي
…………………………………………….

…………. عضمي شخشخ ……………

……………………………………………..

انا عضمي شخشخ من شربة الأندومي
وشي المنور كرمش من مكترك ياهمومي
جسدي النحيل بقى زي وتر الناي
بقيت عضام إزاي وانا كنت ملو هدومي

هما اللي شبعوا قوي واحنا عشانا كفاف
هما اللي عاشوا السمان واحنا العجاف
الخير والشر زي البياض والسواد
الظلم دق وساق والعدل ليه بيخاف

شيلوني الشيله وقالولي إطلع فوق
حمار وشايل عنب ونفسه يدوق
وفوق ياهوه عالي وانا اتكسر ضهري
وزاد عليه قهري ، وعمري عدى نفوق

الصبح .. طالل .. وجاي .. بنور .. الله
وانت .. اللي .. قابل .. تعيش .. آوه
مقطوع .. لسانك .. شكوتك .. ممنوعه
رضيت تعيش زوعه من غير ماتنطق آه

حلمي اللي نبت طلع خضاره كابوس
وصفولي حالتي قالوا الجدع ملبوس
كان .. جن .. أزرق .. كان .. جن .. أحمر
طلع القدر آشطر ، وجاب دوايا لبوس

قعدت أغني على حالي غنوة الصابرين
عدوا وسمعوا موالي ودمعي حزين
قالولي دمعك الغالي يتوزن بالماس
فقلت ليه ينداس من عاش حياته آمين

ربك خلقنا بقدر ، بس الطمع ساقنا
إبليس غوانا وغدر ، وشد أوثاقنا
بعد أما كنا فوق والجنه دار ومتاع
نزلنا .. للأوجاع ، وصراعنا .. ونفاقنا

الأخ بيقتل أخوه والأم باعت ضناها
الشرع ليه لبخوه وحدوده ليه عديناها
الجار معادش بيزور وضاعت الجيره
الصحبه بقت عيره ، غلب خيرها آذاها
……………………………………………
بقلمي الفلاح الفصيح
معوض حلمي
منشأة بطاش
تمي الأمديد
دقهلية

تعليقات الفيس بوك

التعليقات

عن ﺍﺣﻠﺎﻡ المهندس ﺳﻜﺮﺗﻴﺮ ﻣﺪﻳﺮ التحرير

ﻣﺤﺮﺭﻩ ﻭﺑﺎﺣﺜﻪ ﺍﺟﺘﻤﺎﻋﻴﻪ ﺑﻘﻀﺎﻳﺎ ﺍﻟﻤﺠﺘﻤﻊوالحوادث ﻋﺮﺑﻴﻪ ﺍﺻﻴﻠﻪ ﻭﻟﺪﺕ ﻭﺗﺮﻋﺮﺕ ﺑﺎﻟﻤﻬﺠﺮ ﻭﻟﻜﻨﻲ ﻣﺎﺫﺍﻟﺖ ﺗﻠﻜ ﺎﻟﻤﻬﺮﻩ ﺍﻟﻌﺮﺑﻴﻪ ﺍﻟﺎﺻﻴﻠﻪ ﺣﺎﺻﻠﻪ ﻋﻠﻲ ﻣﺎﺟﺴﺘﻴﺮ ﺍﻟﺼﺤﺎﻓﻪ ﻭﺍﻟﺎﻋﻠﺎﻡ ﺍﻋﻴﺶ ﺑﻠﻨﺪﻥ ﺍﻟﻌﺎﺻﻤﻪ ﺍﻛﺘب ﺍﻟﻨﺜﺮ ﻭﻟﻲ ﻋﺪﻩ ﺑﺤﻮﺙ ﺑﻘﻀﺎﻳﺎ ﺍﻟﻤﺠﺘﻤﻊ ﻭﺣﻮﺍﺩﺙ ﺍﻟﺠﺎﻟﻴﺎﺕ ﺍﻟﻌﺮﺑﻴﻪ ﻋﻠﻲ ﻭﺟﻪ ﺍﻟﺨﺼﻮﺹ ﺑﺎﻟﻤﻬﺤﺮ ﻭﺍﺛﺮ ﺍﻟﺜﻘﺎﻓﻪ ﺍﻟﻐﺮﺑﻴﻪ ﻋﻠﻲ ﺗﻠﻚ ﺍﻟﺎﻗﻠﻴﺎﺕ ﻭﺍﻟﻤﺠﺘﻤﻋﺎﺕ ﺍﻟﻌﺮﺑﻴﻪ ﺍﻟﺼﻐﻴﺮﻩ. ﺍﻛﺘب النثر