الرئيسية / الشعر العامي / عابر سبيل *_* رمضان العلالقه
عابر سبيل *_* رمضان العلالقه

عابر سبيل *_* رمضان العلالقه

عابر سبيل
~~~~~
لحد عندك كده
و اتوقف الترحال
ما عدت أبات في الندى
عابر سبيل شيال
ناوي في حي الرضى
أشعل مشاعل ضى
عمري يادوب أبتدي
على طرف أسوارك
خلاص يا دوبك كده
حاسس بأني بقيت
أمسك ملامح الصدى
و ابعد عن التجريح
كام مرة قلت يا ريت
أركب بساط الريح
و سنيني متكعبلة
في خيط و أخره الفخ
مقتول بيأس عنيد
و صحيت بأنفاسك
نبع الحياة و الصفا
صبي لي من كاسك
أطفي لهيب مهجتي
مش راح أقولك بس
في صدري شق العطش
أشرب محيط مسكرش
غاوي في درب الهوى
أغزل بيوت أشعار
مشدود بحبل الوفا
لما بقيت مخنوق
أسهر ليالي الضني
ويا القمر … و الشوق
أنين رفيق رحلتي
حتى بلغت مداه
و العين تناجي السما
موجوع بقولة آه
على طرف باب دنيتك
حاطط مفيش ترحال
و تفيد بإيه الأعذار
حال الأسير حالك
و الريح برقصة طيش
بركان في جدرانك
دا الجان سليل النار
ما بيحمي أسوارك
عشان أنا الزلزال
بكسر في أحجارك
~~~~~~~~~~~
بقلم / رمضان العلالقة

تعليقات الفيس بوك

التعليقات

عن ﺍﺣﻠﺎﻡ المهندس ﺳﻜﺮﺗﻴﺮ ﻣﺪﻳﺮ التحرير

ﻣﺤﺮﺭﻩ ﻭﺑﺎﺣﺜﻪ ﺍﺟﺘﻤﺎﻋﻴﻪ ﺑﻘﻀﺎﻳﺎ ﺍﻟﻤﺠﺘﻤﻊوالحوادث ﻋﺮﺑﻴﻪ ﺍﺻﻴﻠﻪ ﻭﻟﺪﺕ ﻭﺗﺮﻋﺮﺕ ﺑﺎﻟﻤﻬﺠﺮ ﻭﻟﻜﻨﻲ ﻣﺎﺫﺍﻟﺖ ﺗﻠﻜ ﺎﻟﻤﻬﺮﻩ ﺍﻟﻌﺮﺑﻴﻪ ﺍﻟﺎﺻﻴﻠﻪ ﺣﺎﺻﻠﻪ ﻋﻠﻲ ﻣﺎﺟﺴﺘﻴﺮ ﺍﻟﺼﺤﺎﻓﻪ ﻭﺍﻟﺎﻋﻠﺎﻡ ﺍﻋﻴﺶ ﺑﻠﻨﺪﻥ ﺍﻟﻌﺎﺻﻤﻪ ﺍﻛﺘب ﺍﻟﻨﺜﺮ ﻭﻟﻲ ﻋﺪﻩ ﺑﺤﻮﺙ ﺑﻘﻀﺎﻳﺎ ﺍﻟﻤﺠﺘﻤﻊ ﻭﺣﻮﺍﺩﺙ ﺍﻟﺠﺎﻟﻴﺎﺕ ﺍﻟﻌﺮﺑﻴﻪ ﻋﻠﻲ ﻭﺟﻪ ﺍﻟﺨﺼﻮﺹ ﺑﺎﻟﻤﻬﺤﺮ ﻭﺍﺛﺮ ﺍﻟﺜﻘﺎﻓﻪ ﺍﻟﻐﺮﺑﻴﻪ ﻋﻠﻲ ﺗﻠﻚ ﺍﻟﺎﻗﻠﻴﺎﺕ ﻭﺍﻟﻤﺠﺘﻤﻋﺎﺕ ﺍﻟﻌﺮﺑﻴﻪ ﺍﻟﺼﻐﻴﺮﻩ. ﺍﻛﺘب النثر
إلى الأعلى