الرئيسية / الشعر العامي / دي مش عين يامه *-* أبو حسان
دي مش عين يامه *-* أبو حسان

دي مش عين يامه *-* أبو حسان

دي مش عين يامه دي عين ورمش :
*****************************
كان لازم يامه تدققي قوي وتسأليني
وتفتشي في وجعي …. وكمان انيني
هوه انت لسه يامه …. هاتعرفيني
ياريت يامه في حالي …. تسيبيني
وتصممي وتسألي علشان إنت نفسك
تتأكدي من كل حاجه … عني تهمك
وتقولي لي مالك ياابني ياضي عيني
لاقيت هروبي من اسالتك مستحيل
وانت اللي مصممه…. ونفسك طويل
وكل ماازهق اقولك …يامه ارحميني
ومن كتر اسألتك ياريت …تريحيني
عارفك بتصممي وترجعي تقولي لي
مالك ياابني طمني عنك ياضي عيني
وانا اللي كان نفسي…. ومنايا اداريها
جوه قلبي كنت مصمم فعلا … اخبيها
ترجعي تكرري …. وبالدموع تتغرغري
وتأكدي علي….مالك ياابني ياضي عيني
ياسلام يامه لما تصممي إنك لازم تعرفي
عن اي حاجه تخصني تفتشي وتدعبسي
لاقيتني حقيقي عليك… مش قادر اخبي
وهاداري ازاي بس..وانت حاسه بحيرتي
ولاقيتك بتقولي …عين ياابني وصابتك
ٱه ياحبيبي ياابني …. ياضي عيني
قولت لك لا يامه…. دا عين ورمش
ولاقيتك بتجاوبيني .. وتقولي لي
كنت حاسه بيك ياقلبي وانت مابتنامش
وبقيت اقول هوه ليه ياتري .. مابياكلش
كان كفايه عليك العين مش عين ورمش
********************************
عبدالرحمن احمد حسان
الشهير فيسبوكيا ب
{{{{ أبوحسان }}}}
دماص/ميت غمر/دقهلية
[[ ٢٢ أغسطس ٢٠٢٠ ]]
★★★★★★★★

تعليقات الفيس بوك

التعليقات

عن ﺍﺣﻠﺎﻡ المهندس ﺳﻜﺮﺗﻴﺮ ﻣﺪﻳﺮ التحرير

ﻣﺤﺮﺭﻩ ﻭﺑﺎﺣﺜﻪ ﺍﺟﺘﻤﺎﻋﻴﻪ ﺑﻘﻀﺎﻳﺎ ﺍﻟﻤﺠﺘﻤﻊوالحوادث ﻋﺮﺑﻴﻪ ﺍﺻﻴﻠﻪ ﻭﻟﺪﺕ ﻭﺗﺮﻋﺮﺕ ﺑﺎﻟﻤﻬﺠﺮ ﻭﻟﻜﻨﻲ ﻣﺎﺫﺍﻟﺖ ﺗﻠﻜ ﺎﻟﻤﻬﺮﻩ ﺍﻟﻌﺮﺑﻴﻪ ﺍﻟﺎﺻﻴﻠﻪ ﺣﺎﺻﻠﻪ ﻋﻠﻲ ﻣﺎﺟﺴﺘﻴﺮ ﺍﻟﺼﺤﺎﻓﻪ ﻭﺍﻟﺎﻋﻠﺎﻡ ﺍﻋﻴﺶ ﺑﻠﻨﺪﻥ ﺍﻟﻌﺎﺻﻤﻪ ﺍﻛﺘب ﺍﻟﻨﺜﺮ ﻭﻟﻲ ﻋﺪﻩ ﺑﺤﻮﺙ ﺑﻘﻀﺎﻳﺎ ﺍﻟﻤﺠﺘﻤﻊ ﻭﺣﻮﺍﺩﺙ ﺍﻟﺠﺎﻟﻴﺎﺕ ﺍﻟﻌﺮﺑﻴﻪ ﻋﻠﻲ ﻭﺟﻪ ﺍﻟﺨﺼﻮﺹ ﺑﺎﻟﻤﻬﺤﺮ ﻭﺍﺛﺮ ﺍﻟﺜﻘﺎﻓﻪ ﺍﻟﻐﺮﺑﻴﻪ ﻋﻠﻲ ﺗﻠﻚ ﺍﻟﺎﻗﻠﻴﺎﺕ ﻭﺍﻟﻤﺠﺘﻤﻋﺎﺕ ﺍﻟﻌﺮﺑﻴﻪ ﺍﻟﺼﻐﻴﺮﻩ. ﺍﻛﺘب النثر
إلى الأعلى