الرئيسية / الشعر العامي / حبي نفسك ..بقلم حنه حسن
حبي نفسك ..بقلم حنه حسن

حبي نفسك ..بقلم حنه حسن

حبي نفسك طمنيها
مش تقولي ازاي وليه
حبي نفسك دا الحقيقه
انتي خسرانه بس ايه
حبي نفسك حته حته
بالميزات والعيوب
حبي نفسك بس انتي
وكل حاجه عادي تهون
حبي نفسك حبي جسمك
مش هتفرق وزن ايه
حبي رفعك حبي تخنك
كل شئ مقدور عليه
حبي نفسك وانتي موزه
وانتي سودا وانتي بيضه
حبي نفسك حتي وانتي
عاقله جدا او عبيطه
حبي نفسك بعد اذنك
ادي نفسك فرصه تانيه
انسي اسمك انسي عمرك
مش مهم اللي عدي
حبي نفسك ده لنفسك
دلعيها وفرحيها
حبي ضحكك حبي زعلك
اوعي أبدا تجرحيها
حبي نفسك واسعديها
واعملي اللي نفسك تعمليه
حبي نفسك وابسطيها
واحيي قلبك وانعشيه
حبي نفسك مش عشانهم
لا عشانك صدقيني
حبي نفسك وانتي تلقي
صوره كامله جوه فيكي
حبي نفسك هي اولي بكل حب
واوعي أبدا تضعفي
حبي نفسك دا المهم
وانسي اوجاعاك واضحكي
حبي كل شئ يحبك
واحلمي وخليكي فوق
زيلي اي فكر ضدك
وارسمي لقلبك حقوق
حبي نفسك عادي خالص
بالبساطة ريحيها
حبي نفسك بالكمال والنواقص
واوعي أبدا تخذليها
..
?

تعليقات الفيس بوك

التعليقات

عن الشاعر المعز رمرم رئيس مجلس الأ دارة

د/المعز صديق فرح رمرم * تجسيد حقيقي لوحدة شعبى وادي النيل العظيم احمل كلا الجنسيتين لشعبي وادي النيل مصر والسودان * مدير عام شركات السيفين للزيوت والزيوت العطرية والصابون والكيماويات  بأفريقيا. * ماجستير ادارة الاعمال (ادارة وتكاليف) * زمالة المحاسبين الفنيين البريطانيين ACCA (تخصص محاسبة الادارة والتكاليف) * ماجستير الاعلام (مفهوم الاعلام التقني المعاصر وفنون الاتصال). *دكتوراة في الادب العربي(الجواري واثرهن في الشعر العربي في الأندلس) * رئيس ومدير مكتب اتحاد الاعلاميين العرب بالسودان والعضو الذهبي بالاتحاد * عضو اتحاد الادباء والكتاب السودانيين * عضو اتحاد الكتاب والشعراء العرب * عضو النقابه العامه للصحافه والطباعه والنشر  بماسبيرو *رئيس مجلس الإدارة ومؤسس مؤسسة وادي النيل للمبدعين مظلة كل مبدع عربي. *صاحب ومالك الموقع الالكتروني الخاصwww.wadielnele.com وهي مجلة وادي النيل للمبدعين العرب.
إلى الأعلى