الرئيسية / الشعر العامي / بنت ولد ..الشاعر محمد الكراف
بنت ولد ..الشاعر محمد الكراف

بنت ولد ..الشاعر محمد الكراف

بنت …ولد
بقلم محمد الكراف

بنت و ولد تلاميذ
زى جوزعصافير
قاعدين على الكورنيش
طالبين اتنين عصير
-بحبك يا مايا
-بحبك يا شادى..يا عشقى و هوايا ؟
-يا مامة ولادى ..

استنى يا أخ شادى…و حيلك فى الكلام
دا عودك لسة ورور .. و شكلك لسة خام
قاعد بتحب و بتهرج
و مزوغ من أنهى مُدَرّج
فى الآخر مايا يا سى شادى
هاتسيبك قبل ما تتخرج
دا الحب التلاميذى يا شادى
مش مكتوب له ف مرة يعيش

عن قصص الحب التلاميذى
إسألنى اقولك يا عزيزى
الحب التلاميذى دا غَلَبَة
حتى إسأل ف شئون الطلبة
سنة أولى نقضيها نظرات
و ف تانية قعاد عالكافتريات
سنة تالتة مانحضرش محاضرات
و نزوغ نقعد عالكورنيش
الحب التلاميذى يا شادى
مش مكتوب له ف مرة يعيش

سنة رابعة هاييجى لمايا عريس
عربية وشقة و جو رخيص
و أبوها أكيد طبعا هايهيص
و هايقنع مايا بكلامه :
“سيبِك من شادى و ايامه
لسة المستقبل قدامه
على بال ما يحقق أحلامه
و ده غير الجيش”
ما الحب التلاميذى يا شادى
مش مكتوب له ف مرة يعيش

بعد خلاص ما عرفتوا مصيركم
و بعد خلاص ما شربتوا عصيركم
سيبوا لى قوام الترابيزة ….. خليكم ذوق
دا أنا مستنى حبيبتى عزيزة ف تالتة حقوق
#elkraf

تعليقات الفيس بوك

التعليقات

عن الشاعر المعز رمرم رئيس مجلس الأ دارة

د/المعز صديق فرح رمرم * تجسيد حقيقي لوحدة شعبى وادي النيل العظيم احمل كلا الجنسيتين لشعبي وادي النيل مصر والسودان * مدير عام شركات السيفين للزيوت والزيوت العطرية والصابون والكيماويات  بأفريقيا. * ماجستير ادارة الاعمال (ادارة وتكاليف) * زمالة المحاسبين الفنيين البريطانيين ACCA (تخصص محاسبة الادارة والتكاليف) * ماجستير الاعلام (مفهوم الاعلام التقني المعاصر وفنون الاتصال). *دكتوراة في الادب العربي(الجواري واثرهن في الشعر العربي في الأندلس) * رئيس ومدير مكتب اتحاد الاعلاميين العرب بالسودان والعضو الذهبي بالاتحاد * عضو اتحاد الادباء والكتاب السودانيين * عضو اتحاد الكتاب والشعراء العرب * عضو النقابه العامه للصحافه والطباعه والنشر  بماسبيرو *رئيس مجلس الإدارة ومؤسس مؤسسة وادي النيل للمبدعين مظلة كل مبدع عربي. *صاحب ومالك الموقع الالكتروني الخاصwww.wadielnele.com وهي مجلة وادي النيل للمبدعين العرب.
إلى الأعلى