الرئيسية / الشعر العامي / انا يا حروف *-* يوسف الدباك جعجع
انا يا حروف *-* يوسف الدباك جعجع

انا يا حروف *-* يوسف الدباك جعجع

انا يا حروف انتو بتعرفوني
شاعر المعي بحنكة ومروني
وبلهفة رسمتكم صورة بتلمع
بريشة معمدة بدمعة عيوني
وبعد ما كتبتكم عالغار مطلع
بحبر الوجد والعطف اكتبوني
حكاية حب تنسي الناس اجمع
حكاية عنترة وعبلى المصوني
انا بالعاطفي رسام ابدع
صور ورسوم فيها بيحسدوني
انا بالعاطفي نحات طوع
الصخر وحولو متحف ليوني
انا بالعاطفي خياط بصنع
تياب من النسبج الافلاطوني
وعطفي عالكفيف الما بيقشع
جبرني اوهبو عيون المعوني
وعطفي عاليتيم العم بيدمع
جبرني لم دمعاتو بجفوني
وعطفي عالغريب العم بيسكع
جبرني لفلفو بشرشف ظنوني
وعطفي عالاصم الما بيسمع
جبرني سمعو نغمة سكوني
وعطف الملح بالموج المدلع
نجا الجرح من آخ السخوني
وحتى الحوت يلي ما بيشفع
بيعطف عا ولادو صدقوني
ولو ما المؤمن بعطفو تخشع
وصلاتو تحط مصحف حد قوني
ما هدينا وصمدنا قبال مدفع
وصرعنا بعطفنا الحقد الجنوني
وما في فلاح حقلو عم ببزرع
ولا بتجني البيادر اي موني
لو ما من العطف قلبو تشبع
وقلن حد لزرعتو زرعوني
ولوما العاطفي بالآخ تطلع
وفوافيي الجريحة يخلدوني
ما بعرف جرح فيي عم ببوجع
ولا كانو جروحي بيعرفوني
ومروان ابن كساب المبدع
صرخ من غربتي المرة تركوني
من آخي عا لبنان المضعضع
فجر نبع من دمعة حنوني
وجبران اللي كل العمر قطع
بغربة قاهرة بعالم مجوني
عند ما حس حالو عن ببوقع
قال من الاصل لا تجردوني
تا ارجع عا بلادي بحب ارجع
ولاني بشوف كل العطف فيها
اماني بفية الارز دفنوني

يوسف الدباك جعجع

تعليقات الفيس بوك

التعليقات

عن ﺍﺣﻠﺎﻡ المهندس ﺳﻜﺮﺗﻴﺮ ﻣﺪﻳﺮ التحرير

ﻣﺤﺮﺭﻩ ﻭﺑﺎﺣﺜﻪ ﺍﺟﺘﻤﺎﻋﻴﻪ ﺑﻘﻀﺎﻳﺎ ﺍﻟﻤﺠﺘﻤﻊوالحوادث ﻋﺮﺑﻴﻪ ﺍﺻﻴﻠﻪ ﻭﻟﺪﺕ ﻭﺗﺮﻋﺮﺕ ﺑﺎﻟﻤﻬﺠﺮ ﻭﻟﻜﻨﻲ ﻣﺎﺫﺍﻟﺖ ﺗﻠﻜ ﺎﻟﻤﻬﺮﻩ ﺍﻟﻌﺮﺑﻴﻪ ﺍﻟﺎﺻﻴﻠﻪ ﺣﺎﺻﻠﻪ ﻋﻠﻲ ﻣﺎﺟﺴﺘﻴﺮ ﺍﻟﺼﺤﺎﻓﻪ ﻭﺍﻟﺎﻋﻠﺎﻡ ﺍﻋﻴﺶ ﺑﻠﻨﺪﻥ ﺍﻟﻌﺎﺻﻤﻪ ﺍﻛﺘب ﺍﻟﻨﺜﺮ ﻭﻟﻲ ﻋﺪﻩ ﺑﺤﻮﺙ ﺑﻘﻀﺎﻳﺎ ﺍﻟﻤﺠﺘﻤﻊ ﻭﺣﻮﺍﺩﺙ ﺍﻟﺠﺎﻟﻴﺎﺕ ﺍﻟﻌﺮﺑﻴﻪ ﻋﻠﻲ ﻭﺟﻪ ﺍﻟﺨﺼﻮﺹ ﺑﺎﻟﻤﻬﺤﺮ ﻭﺍﺛﺮ ﺍﻟﺜﻘﺎﻓﻪ ﺍﻟﻐﺮﺑﻴﻪ ﻋﻠﻲ ﺗﻠﻚ ﺍﻟﺎﻗﻠﻴﺎﺕ ﻭﺍﻟﻤﺠﺘﻤﻋﺎﺕ ﺍﻟﻌﺮﺑﻴﻪ ﺍﻟﺼﻐﻴﺮﻩ. ﺍﻛﺘب النثر
إلى الأعلى