الرئيسية / الشعر العامي / إسأل مجرب *-*- معوض حلمي
إسأل مجرب *-*- معوض حلمي

إسأل مجرب *-*- معوض حلمي

حوارية
……………………

” إسأل مجرب “

……………………….

جيتلك يابحر
تداوي جرحي من كلامهم ..
أمشي على شطك شوية ..
وأهرب من ظنونهم ..

شوفت حوته ويا حوت
ماشيين ف حالهم ..
وشوفت حوت ماشي وراهم
بيراقبهم ..

خدني فضولي زي عادتي ..
قلت أقرب منه حبه ..
حس بيا .. بص ليا ..
بعينه شافني
قالي غيتني ..

قولتله وتسمع نصيحتي ..
قالي قولي
قولتله سيبهم في حالهم ..
قال دا اللي ماشيه معاه
حبيبتي ..

إزاي اسيبهم .. لو سيبتهم
الحيتان هتجيب في سيرتي ..
إوعاك تلومني غصب عني ..
أخاف تضيع مني حبيبتي ..
أرجوك ساعدني

قولتله سامع كلامهم ..
قالي سامع بس مش فاهم ..
أصله حوت مش من فصيلتي ..
شوفلي حل هاموت بغيرتي ..

قلت مشكلتك في إيدك ..
ماتخدش رأى حد غيرك ..

لو حبيبتك شارية حبك ..
وف قلبها ساكنة غلاوتك ..
لو ألف حوت
مش من فصيلتك ..
أو من فصيلتك ..
مش هايقدر وقتها
يخطفها منك ..

واسمع نصيحتي
أخر نصيحة قبل مامشي ..

لو حبيبتك ساكنة قلبك ..
أو هى روحك جوا منك
وبتحيي نبضك ..
إوعاك تبين ليها غيرتك ..
أو تشوف بعنيها ضعفك ..

خليها دايما واثقة إنك
حوت واثق بنفسك ..
حسسها ان إنت حوت
بألف حوت من فصيلتك ..
وبألف حوت
مش من فصيلتك ..

خليها تسكن جوا قلبك ..
خليها تتباهى بحبك ..
وانها بس الوحيدة
الغالية عندك ..

دي نصيحتي آخر نصيحة
بس انت جرب ..
وان زادت يوم ظنونك
غصب عنك ..
إياك تتوه وبسرعة روح
وإسأل مجرب ..

إياك تتوه وبسرعة روح ..
وإسأل مجرب ..
………………………..
بقلمي الفلاح الفصيح
معوض حلمي
منشأة بطاش
تمي الأمديد
دقهلية

تعليقات الفيس بوك

التعليقات

عن ﺍﺣﻠﺎﻡ المهندس ﺳﻜﺮﺗﻴﺮ ﻣﺪﻳﺮ التحرير

ﻣﺤﺮﺭﻩ ﻭﺑﺎﺣﺜﻪ ﺍﺟﺘﻤﺎﻋﻴﻪ ﺑﻘﻀﺎﻳﺎ ﺍﻟﻤﺠﺘﻤﻊوالحوادث ﻋﺮﺑﻴﻪ ﺍﺻﻴﻠﻪ ﻭﻟﺪﺕ ﻭﺗﺮﻋﺮﺕ ﺑﺎﻟﻤﻬﺠﺮ ﻭﻟﻜﻨﻲ ﻣﺎﺫﺍﻟﺖ ﺗﻠﻜ ﺎﻟﻤﻬﺮﻩ ﺍﻟﻌﺮﺑﻴﻪ ﺍﻟﺎﺻﻴﻠﻪ ﺣﺎﺻﻠﻪ ﻋﻠﻲ ﻣﺎﺟﺴﺘﻴﺮ ﺍﻟﺼﺤﺎﻓﻪ ﻭﺍﻟﺎﻋﻠﺎﻡ ﺍﻋﻴﺶ ﺑﻠﻨﺪﻥ ﺍﻟﻌﺎﺻﻤﻪ ﺍﻛﺘب ﺍﻟﻨﺜﺮ ﻭﻟﻲ ﻋﺪﻩ ﺑﺤﻮﺙ ﺑﻘﻀﺎﻳﺎ ﺍﻟﻤﺠﺘﻤﻊ ﻭﺣﻮﺍﺩﺙ ﺍﻟﺠﺎﻟﻴﺎﺕ ﺍﻟﻌﺮﺑﻴﻪ ﻋﻠﻲ ﻭﺟﻪ ﺍﻟﺨﺼﻮﺹ ﺑﺎﻟﻤﻬﺤﺮ ﻭﺍﺛﺮ ﺍﻟﺜﻘﺎﻓﻪ ﺍﻟﻐﺮﺑﻴﻪ ﻋﻠﻲ ﺗﻠﻚ ﺍﻟﺎﻗﻠﻴﺎﺕ ﻭﺍﻟﻤﺠﺘﻤﻋﺎﺕ ﺍﻟﻌﺮﺑﻴﻪ ﺍﻟﺼﻐﻴﺮﻩ. ﺍﻛﺘب النثر
إلى الأعلى