الرئيسية / الشعر العامي / أغنية…بقولك أيه بقى *&* علي الطاووس
أغنية…بقولك أيه بقى *&* علي الطاووس

أغنية…بقولك أيه بقى *&* علي الطاووس

أغنية…بقولك أيه بقى
بقولك أيه بقى…
كده من أولها…
لا سهر و لا مواعيد…
و لا دموع فى مناديل…
و كفايه عليك دلوقتى سلام ألأيد…
لحد ما أشوف أنا لحبك أى دليل…
و قلبى يطمئن ليك…
ممكن من بعد كده…
أخرج معاك فى كل المواعيد…
و أذا ظهرلى منك أخلاص…
فى مشاعر و أحساس…
ممكن من بعد كده…
يبقى فى بينا أحضان …
تطفى النار اللي جواك بتأيد…
لكن بقى لو لمست أنا من جواك…
وجد و جد فى حب…
يا سعدك بقى يا هناك…
ح أسيبك يا عم تبوس ألأيد…
و يا سلام بقى…
لو فى دبله تزين صوباعى اليمين…
ح أنقلك فورآ…
ياسيدى لبوس الخد و الجبين…
و يا وعدى لو جبت المأزون في الايد…
من بعد كده بشهر و لا شهرين…
تبقى هاصت معاك ياعم بجد…
و ح تبقى أنت يا عم…
مش عارف تبوس فين و لا فين…
بس أوعى تبقى محتاس في يوم العيد…
يوم دخلتنا أحنا ألأتنين…
لكن حاسب قوى…
من القناه التانيه لا توش…
ح يتلخبط دوغرى ده الوش…
و ح تشوف أيام…
ح تندم على اليوم اللى أنت فيه أتولد…
و فيا طبيت…
و أنسى بقى يا عمرو تاخد منى وش…
و اللى بينا ح يبقى راح و أنقضى…
و قلبي ح يتقفل فى ده الوش…
و ح ترجع تانى تتمنى سلام ألأيد…
و ألأحضان فى المواعيد…
و ح تفتكر قد أيه أنت اللى خونت…
و ياعينى بقى…
أذا ده حصل و أحنا متجوزين…
ح تشوف بوز…
ح تتمنى أنك عن البيت بالسنين تغيب…
و ح يبقى في بينا محاكم…
و خلع و نفقه و أروح بالعيال فين…
و ده عمرك ما ح تشوفهم بالعين…
ألأ فى القسم و كمان قدام ألأمين…
فا ما تخليش اليوم ده يجى عليك…
و خلينا كده مع بعض كويسين…
و من أولها متفقين…
يا تحط ألأيد فى ألأيد…
يا ندور لبعض الظهر و نروح لبعيد…
و بكده ح نبقى ياحلو منفصلين…
فا بقولك أيه بقى كده من أولها…
لا سهر و لا مواعيد…
و لا دموع فى مناديل…
و كفايه عليك دلوقتى سلام ألأيد…
لحد ما أشوف أنا لحبك أى دليل…
و قلبى يطمئن ليك…
ممكن من بعد كده…
أخرج معاك فى كل المواعيد…
و أذا ظهرلى منك أخلاص…
فى مشاعر و أحساس…
ممكن من بعد كده يبقى…
فى بينا احضان…
تطفى النار اللي جواك بتأيد…
أدينى أنا بقولك أهو…
أيه بقى كده من أولها…
لا سهر و لا مواعيد…
و لا دموع فى مناديل…
و كفايه عليك دلوقتى سلام ألأيد…
سلام سلام يلي قلبي…
ح يبداء يسميك حبيب…
مع تحيات شاعر الوجدان الشاعر السكندرى/على الطاووس 😢

تعليقات الفيس بوك

التعليقات

عن ﺍﺣﻠﺎﻡ المهندس ﺳﻜﺮﺗﻴﺮ ﻣﺪﻳﺮ التحرير

ﻣﺤﺮﺭﻩ ﻭﺑﺎﺣﺜﻪ ﺍﺟﺘﻤﺎﻋﻴﻪ ﺑﻘﻀﺎﻳﺎ ﺍﻟﻤﺠﺘﻤﻊوالحوادث ﻋﺮﺑﻴﻪ ﺍﺻﻴﻠﻪ ﻭﻟﺪﺕ ﻭﺗﺮﻋﺮﺕ ﺑﺎﻟﻤﻬﺠﺮ ﻭﻟﻜﻨﻲ ﻣﺎﺫﺍﻟﺖ ﺗﻠﻜ ﺎﻟﻤﻬﺮﻩ ﺍﻟﻌﺮﺑﻴﻪ ﺍﻟﺎﺻﻴﻠﻪ ﺣﺎﺻﻠﻪ ﻋﻠﻲ ﻣﺎﺟﺴﺘﻴﺮ ﺍﻟﺼﺤﺎﻓﻪ ﻭﺍﻟﺎﻋﻠﺎﻡ ﺍﻋﻴﺶ ﺑﻠﻨﺪﻥ ﺍﻟﻌﺎﺻﻤﻪ ﺍﻛﺘب ﺍﻟﻨﺜﺮ ﻭﻟﻲ ﻋﺪﻩ ﺑﺤﻮﺙ ﺑﻘﻀﺎﻳﺎ ﺍﻟﻤﺠﺘﻤﻊ ﻭﺣﻮﺍﺩﺙ ﺍﻟﺠﺎﻟﻴﺎﺕ ﺍﻟﻌﺮﺑﻴﻪ ﻋﻠﻲ ﻭﺟﻪ ﺍﻟﺨﺼﻮﺹ ﺑﺎﻟﻤﻬﺤﺮ ﻭﺍﺛﺮ ﺍﻟﺜﻘﺎﻓﻪ ﺍﻟﻐﺮﺑﻴﻪ ﻋﻠﻲ ﺗﻠﻚ ﺍﻟﺎﻗﻠﻴﺎﺕ ﻭﺍﻟﻤﺠﺘﻤﻋﺎﺕ ﺍﻟﻌﺮﺑﻴﻪ ﺍﻟﺼﻐﻴﺮﻩ. ﺍﻛﺘب النثر
إلى الأعلى